அறிமுகம்

                     அ கா பெருமாள் கன்னியாகுமரி மாவட்டம் அகஸ்தீஸ்வரம் வட்டம் நாகர்கோவில் நகரிலிருந்து தெற்கே 5 கிலோமீட்டர் தொலைவில் உள்ள பறக்கை என்னும் செழிப்பான கிராமத்தில் பிறந்தவர் (1947) இந்த ஊர்     குளங்கள் தோட்டங்கள் வயல் வெளிகள்    நிரம்பியது   இங்கே 1200 ஆண்டுகளுக்கு முற்பட்ட பழமையான கோவில் உள்ளது    முற்காலப் பாண்டியர் காலத்தில் சதுர்வேதிமங்கலமாக இருந்த அபிதான மேரு சதுர்வேதிமங்கலம் என்ற பெயரைப் பெற்றிருந்த இந்த ஊரில்    19 க்கு மேற்பட்ட  கல்வெட்டுக்கள் உள்ளன  

                         பெருமாளின் ஒன்பது வயது வரை பறக்கை கிராமம் கேரளத்துடன் இருந்தது    அப்போது இது மின்சாரம் போக்குவரத்து என்ற வசதிகள் இல்லாத கிராமமாக இருந்தது    இக்காலகட்டத்தில் இந்த ஊர் கோவிலில்  மலையாள  மரபுவழி கலைகளும் நாட்டார் கலைகளும் நடந்திருக்கின்றன    இந்த ஊரை தேடி தோல்பாவைக்கூத்து கழைக்கூத்து போன்ற கலைகளை நிகழ்த்திய கலைஞர்களும் சித்தோசி, ராப்பாடி போன்ற  யாசகர்களும்  வந்திருக்கின்றனர்  இந்த பசுமையான அனுபவங்களைப் பெருமாளின் எழுத்தில் காணலாம்

                         பெருமாளின் தந்தை அழகம்பெருமாள்;     இவர் பூர்வீகமாகவே இந்த ஊரைச் சார்ந்தவர்    இவரது    கொள்ளுத்தாத்தா  19 ஆம்   நூற்றாண்டில் சுசீந்திரம்   திருக்கோவிலில்  ஸ்ரீகாரியமாக   பணியாற்றியிருக்கிறார்    இவர்    மலையாள மொழியில் புலமை உடையவரும் கூட     பெருமாளின்  தாய் பகவதி அம்மா   கடுக்கரை என்னும் மலையடிவார கிராமத்தில்   பிறந்தவர்     இவரது உறவினர்கள்  பெரும்பாலும் திருவனந்தபுரத்தில் வாழ்ந்ததால் அங்கேயே   வளர்ந்திருக்கிறார்

                      பெருமாளின் தந்தை பள்ளி இறுதி படிப்பு முடிந்ததும்  திருவனந்தபுரத்தில் மலையாள பண்டிதர் படிப்பை படித்திருக்கிறார்  அப்போது  பறக்கை ஊர் பள்ளியில் மலையாளம் ஒரு பாடமாக இருந்தது.   அவர் அங்கு சில மாதங்கள் வேலை பார்த்திருக்கிறார்     பின்னர்  பறக்கை ஊரை அடுத்திருந்த சுசீந்திரம் ஊரில் மலையாள பள்ளியில் மலையாள ஆசிரியராக இருந்திருக்கிறார் 50க்களின் ஆரம்பத்தில்   நாகர்கோவில் நீதிமன்றத்தில்  மொழிபெயர்ப்பாளராக வேலை பார்த்தர்